Archive for

Traffic sa EDSA

Ang Isyu

Ang iniinda nating traffic sa kahabaan ng Epifanio de los Santos Avenue, o EDSA. Araw-araw tayong naiinis, araw-araw tayong nagtitiis.

Sa bawat pagbaybay natin sa EDSA, lagi tayong nakaka-isip ng mga ideya para kahit papaano’y gumaan ang traffic dito. Pero kadalasan, “nata-traffic” din sa isip natin ang mga ideyang ito. Siguro dahil tinatanggap na lang nating mahirap tugunan ang malaking problemang ito.

Ito na ang pagkakataon nating maitala ang iba’t iba nating mungkahi para lumuwag ang daloy ng trapiko sa EDSA. Mag-comment lamang po sa entry na ito, o ‘di kaya’y mag-email sa michaelbueza@gmail.com. Ike-credit po ang inyong suhestyon kapag naisama sa entry na ito.

Ilang Panukala

1. One-Lane Bus Transit System
Matapos ang bus bombing sa Buendia noong Pebrero, nag-post po ako sa QWERTY Attorney ng entry tungkol sa suhestyon ng mga bus driver na mag-install ng security cameras sa lahat ng bus sa EDSA.

Doon ko rin po ipinakilala ang ideyang “i-centralize” ang bus rapid transit system ng Metro Manila, tulad ng mayroon sa Seoul, South Korea.

Sa kabuuan, mabubuwag ang lahat ng kasalukuyang bus companies, kapalit ng isang unified bus company na maaaring pamunuan ng MMDA. Ibig sabihin rin nito, magiging pare-pareho ang itsura ng mga bus.

Mananatili ang mga bus na ito sa outermost lane ng EDSA, hindi tulad ng kasakuluyang two-lane system. Maiiwasan dito ang pagdaan at paglipat-lipat ng mga bus sa iba’t ibang lanes (tulad ng nasa larawan sa itaas).

Consequently, magkakaroon din ng pormal na bus stations. Dito lang magbababa at magsasakay ang mga bus, ‘di tulad ngayon na kung saan-saan humihinto ang mga bus, kahit sa gitna ng daan.

Maaari ring mag-install ng iba’t ibang technologies, tulad ng: GPS chips at security cameras sa mga bus, bus tracker displays sa bawat bus stations (tulad ng sa airport at LRT-2), at e-ticketing system.

In short, ihahalintulad natin ang one-lane bus-transit system sa MRT-3. Ano sa tingin ninyo?

Iba Pang Usapin

Narito ang iba pang mga “isyu” tungkol sa EDSA na maaari nating pag-usapan dito.

• “colorum” vehicles
• number coding
• sidewalk vendors